Hasteko, esan beharra dago informazioaren gizartea 1970 inguruan sortu zen kontzeptua dela. Suposatu duen aldaketa garrantzitsua gizarteek funtzionatzeko duten modu ezberdina da. Izan ere, ordura arte sektore industrialetan, hau da, produktuen fabriketan metatzen zen langilegoaren gehiengoa. Informazioaren gizartean, aldiz, lanpostu gehienak informazio-sorkuntzan, biltegitazean zein informazio-lanketan egongo dira. Bideo honetan honen inguruko azalpena aurki ditzakezue.
Bestalde, esan genezake IKT-ak garapenerako eta aurrerapenerako giltzarri bihurtu direla. Gainera, gizarte mota honek, erabiltzaileen aktibotasuna suposatzen du. Gizarte honetako partaideek informatuak zein eguneratuak egon behar dute, euren ezagutza propioa eratu behar dute sarean aurki ditzaketen millaka datuekin; elkarrekintza baten ondorioa da. Ezagutza eratzeari lotua, esan daiteke, munduko biztanle guztiek informazioa bilatzeko, eskuragarri izateko, erabiltzeko, zein konpartitzeko eskubidea dutela, inongo bazterketarik gabe. Esaterako, herrialde azpigaratuetan informazioaren gizarte kontzeptua lantzen hasiak dira.
Egunerokotasunean dagoen gaia denez, argi dago gizarte honen deskribapen mordoa egiten direla, baina zeintzuk dira dituen ezaugarriak? Raul Trejo adituak 10 ezaugarritan azaltzen du informazioaren gizartea.
Nire ustez, informazioaren gizarte honek abantaila ukaezinak ditu, baina ezin dezakegu ahaztu oraindik ere ahuleziak dituela. Biztante asko partaide dira jadanik baina herrialde pobreekiko ezberdintasuna areagotzen duela deritzot. Guztion artean lortu beharko genuke gizarte honek dituen abantailak eta suposatzen duen elkarrekintza biztanle guztion esku egotea, aberats zein pobre, gazte zein zahar, estatu batuar zein afrikar, ...
Bukatzeko, bideoa hau norberak bere buruarekin hausnartzeko balio duelakoan nago.
No hay comentarios:
Publicar un comentario