Gaur, irakasleak, irakaskuntzaren inguruan eraturiko blog ezberdinak ikusteko aukera eman digu. Egia esan, aurretik ez dut halako orrialdeekin harremanik izan, edo behintzat, irakaskuntzan nola aplika daitezkeen ez dut pentsatu.Hasteko, esan behar dut benetan interesgarria dela blog bat izatea gela bakoitzeko. Izan ere, bertan, umeek egindako gauzak (fitxak, jarduerak, jolasak, ...) eskegi daitezke eta, era honetan, gurasoekin konpartitzeko aukera izango dugu. Maiz, gurasoek ez dakite zer egiten duten euren umeek geletan, batez ere, ez dakite zer lantzen duten, zer ikasten duten. Hau erabilgarria izan daiteke haurren eta gurasoen arteko elkarrizketak sustatzeko. Gurasoak blog-ean begiratu dezake eta ondoren seme-alabari galdetu edota haurrarekin berarekin blog-ean ibili.Bestetik, egunerako edo asterako nota informatiboak eskeintzeko aukera dago, hori bai, baldin eta gurasoak urte hasieran blog-a erabiltzeko konpromisoa hartzen duten. Esaterako, material jakina klasera eraman behar baldin badute, aurreko astean blog-ean idatzi bat utzi dezakete irakasleek.Argi dago, bestalde, "gelako blog bat" izatea guztiz positiboa dela IKT-a delako eta umeak teknologia berrien munduan murgildu behar ditugulako. Arestian gurasoekiko erabilera aipatu badut ere, oraingo honetan umeekin blog-a nola erabili daitekeen esango dut. Adibidez, bururatzen zait, astero saio bat eskeini dakiokeela blog-ari. Saio honetan, irakasleak umeekin gustuko gauzak eskegiko zituzten. Esate baterako, aste horretan gelan landutako kantak, bideoak, ... igo daitezke. Era honetan, umea etxera doanean, gurasoekin gelan landutakoa birpasatu dezake, edo soilik erakutsi (badakigu zer nolako ilusioa egiten dien burututako jarduerak erakustea).Umeek gurasoen eta eskolaren arteko lotura bat dagoela sentitzea beharrezkoa dute, eta hau, era egokia izan daiteke horretarako. Bestalde, apurka-apurka teknologia berrien erabilgarritasunaz ohartzen joan dira. Ukaezina da era honetako galderak suertatuko zaizkiela: Nola izan daiteke gelan egindakoa gero etxean ikusi ahal izatea? Konturatu barik, IKT-en funtzioak ikasten joango dira, eta garrantzitsuena, erabiltzen ikasiko dute.Bukatzeko, esan dezaket, umeak informazioaren gizartean gizarteratzeko ekintza ezberdinak egin daitezkeela, baina, blog bat izatearena, ideia bikaina dela deritzot. Irakasle berriak izango garenok gauza hauek eskolan aplikatu beharko genituzke, edo behintzat, haien berri eman. Funtzio zaila izan arren, gure gizartearen beharrizanetara moldatu behar gara, eta nola ez gure haurren beharrizanetara. Guk, beti ere ahal den heinean, euren etorkizuna errazteko beharra daukagu!Irakaskuntzan erabiltzeko blog ezberdin batzuen helbideak jarriko ditut hemen interesatuta daudenek ikusi ahal izateko:
No hay comentarios:
Publicar un comentario