Iruzkin hau irakurri baino lehen ezinbestekoa deritzot bideo hauek ikustea:
Bai lehenego bideoan zein bigarrenean, alfabatizazio digitalaz dihardute. Hala ere, aspektu ezberdinak lantzen dituzte.
Lehenengoan, haurraren irudimenari erreparatzen diote. Haurrak betidanik irudimen handikoak izan dira eta hau hainbat ezagutza barneratzeko baliogarria izan da. Askotan, gauza bat imaginatzeak abantail onuragarri gehiago ditu gauza hori ikusteak baino. Bideo honek "Will digital technology transform education during the early decades of the 21st century? Simple answer? Yes." galderarekin bukatzen du. Argi dago, hezkuntzak aldaketa bat jasan duela baina jasaten jarraituko duela.
Nire aburuz, bideo honek irakurketa bikoitza izan dezake. Alde batetik, aldaketa negatiboa izan dela uler dezakegu, azken finean, izan daiteke haurrek irudimen gutxiago landuko dutela alfabetizazio digitalaren ondorioz, batez ere, aspaldian imaginatzen zituzten gauzak, gaur egun ikus egin ditzaketelako. Bestetik, izan daiteke hezkuntza mamitsuagoa izango dela arrazoi beragatik. Haurrek, imaginatutako gauzak ikusiko dituzte, eta ondorioz, irudimena izan beharrean, errealitatea izango zen ikusitako hura.
Bien konbinaketa egokiena dela uste dut. Egia da ezin dezakegula ahaztu haurrek euren irudimena lantzeak duen garrantzia. Irakasle izango garen heinean, ahalik eta esperientzia mamitsuenak eskaini behar dizkiegula haurrei irudimena lantzeko. Baina bestetik, ez diot kalterik ikusten ezagutza digitala barneratzeari. Adibidez, planetak lantzen ari garenean (euren ezaugarriak, kokapena, ...) internetera jo eta sateliteen bidez benetan planetak nolakoak diren ikustea oso aberasgarria izan daiteke.
Bestalde, bigarren bideoan, alfabetizazio digitalean suertatzen diren arazoak aipatzen dira. Guztiz bat nator Lara Tiscarrek dionarekin. Askotan, ez gara koziente gure akintza edo aplikazio ezberdinek izan ahal dituzten eraginez. Nork ez du edonoiz "baldintzak onartzen ditut" botoian klikatu baldintzarik irakurri gabe? Gutxi batzuk irakurtzen dituzte. Ez gara konturatzen nor den guk aukeratutako informazioaren autorea, nork irabazten duen zuk hori hartzeagati, ... Azken finean, internet erabiltzen dugu gauza anonimo bat balitz bezala, eta ez da. Gauzak beti, edozerren truke eskuratzen ditugu saretik. Ez dugu erabilera egokia egiten.
Irakaskuntzari dagokionez, gizarte teknologiko, digital honetan bizi garenez gero, gure haurrak ondo hezi behar ditugu. Guk orain gaziki egiten ditugun gauza guzti horiek zalantzan jarri beharko genituzke, haurrei ahalik eta informazio gehiena eskainiz aplikazio egokia ikas dezaten. Finean, haur guzti hauek etorkizuneko interneteko parte-hartzaile aktiboak izango dira.
Bukatzeko, betikoa, ezin daiteke ukatu informazioaren, teknologiaren gizartean gaudela eta bertan hezi behar ditugula umeak. Parte-hartze aktiboa zertan datzan ikasi baita interneten aurkitzen dutena aukeratzeko baita krititkatzeko ere gai izan behar dute.
No hay comentarios:
Publicar un comentario