Hasteko, blog honetan norbait sartzekotan eta iruzkin hau irakurriko badu,
bideo hau aldez aurretik ikustea gomendatzen diot. Azken finean, nik neure iritzia emango dut besterik gabe. Bideoan, nola internetek betiko hedabideak (telebista, irratia, egunkariak, ...) ordezkatuko dituen eta gaur egun jada ordezkatzen ari den azaltzen da.
Egia esan, pixkat kaotikoa iruditu zait bideoa. Gizartean aldaketa bat ematen ari dela dio, eta horrekin bat nator, hori bai, aldaketa arinegia nire uste apalean. Bideoak etorkizun oso hurbileko aldaketa gisa planteatzen du gaia eta nik ez dut uste hau horrela izango denik. Jadanik aldaketa horretan murgilduta gaude, baina momentuz ezin dezakegu esan mundu osoa interneten dagoela. Oraindik ere, gure gizarte honetan, informazioaren gizartea izan arren, milaka pertsona daude ordenagailua eta honek dakarren aurrerapausua erabiltzen ez dakitenak. Ez gara oso urrun joan behar, adibidez, nire aiton-amonek ez dute sekulan ere ordenagailu bat piztu, eta zorionez, honek ez ditu gizartetik baztertu.
Bestalde, ezin dezaket ukatu etorkizuna, arinago eta motelago, horrelakoa izango denik. Apurka-apurka dena digitalizatzen doa, eta dena diodanean, dena da. Ordenagailuaren pantailatik mugitu gabe edozer gauza egin dezakegu: erosketak egin, Peruko lagun batekin hitz egin, medikuarekin zita bat hartu, eta hainbat eta hainbat gauza. Agian hori da gehien beldurtzen nauenak, etorkizunean gizakiak fisikoki gaur egun egiten dituen gauzak ez burutzea. Era honetan, denbora, erosotasuna irabazten dugun heinean, gizakion arteko sozializazioa, elkarrekintza fisikoa galtzen da. Era batean esateko, indibidualizatu egin gaitu honek: zu eta aparatu hutsa, zu eta ordenagailua.
Aldaketa hau ezinbestekoa denez eta zentsu batean positiboa izango den heinean, guk, pertsona bezala, ahalegindu behar gara eguneratzen eta haiekin ondoen konpontzen. Gu, adibidez, irakasle izango gara, hau da, ume askoren erreferente. Beraz, eskolan IKT-ak erabiltzea beharrezkoa dela deritzot. Haurtzaroa gauzak ikasteko etaparik onena da eta umeek informazio berri guztia xurgatzen dutenez, momentu ezin hobea da IKT-ekin harremanetan jartzeko. Gainera, hezituko ditugun haurrak etorkizuneko gizartea eratuko dutenak dira, beraz, jakinaren gainean egotea ezinbestekoa da. Hala ere, kontu handiarekin ibili beharko gara; mundu berri hau erakutsi behar diegu baina era arduradun batean. Gauza onak zein arriskutsuak erakutziz.
Iruzkin honi amaiera emateko, esan beharko dut nahi izan edo nahi ez izan berdin diola. Nahi eta nahi ez gizartea era honetan eboluzionatzen ari da, eta ondorioz, gizarteko partaide garenez gero, aldaketa berrietara moldatu eta ahalik eta ondoen erabiltzeko beharra daukagu. Hori da gure lana.
